Luk 2:41-49

⁴¹Jaha mari ndra-au, tine Jises uru badeh, ala Jerusalem na len ta nyamon tinan tiri Juwis mene ado Ijip ame len, aloh Pasoba.

⁴²Ano, jaha ta Jises asahan ronoh la-uh, oro ala ta nyamon i le buku bwena.

⁴³Eme len ta nyamon ano, oro adek ala hamon ala kon, arile Jises badeh, udu ndra Jerusalem udu gwek. Taman uru tinen tana uru bwe;

⁴⁴uru anya deh, iy deh udu bolo oro le. Eme oro adek ala len ari buruwen ano badeh, bale uru bwetenei iy. Eme uru takalahei bolo ndrokowa lowa uru, ma kawas turu nane dah,

⁴⁵arile uru batakalahei iy bwe. Eme uru adek ja, ala hamon ala Jerusalem takaleh iy.

⁴⁶Ya eme i bada len taloh badeh, uru takalahei iy manyah udu bolo iri lau ta leheya kandriyen tiri Juwis. Iy udu asiu tinan ta Kindrei, anuhun iri ma lelen ndremenya i tiri.

⁴⁷Eme iri mari anuhun tanan ta sahou iy akeh, i hamon i tiri, ma boho iri asak tan.

⁴⁸Eme ya taman uru tinen atou, boho uru asak. Eme tinen tiye i tan, “Naduk, ou amekes saba kandriyen eme taru dah? Aru tamam badeh, bale aru asin ou, ya eme aru ame takaleh ou dah.”

⁴⁹Eme iy anya, “I buku sah ah anya kame katakaleh jo? Ah badeh, bala tana ah, ta jo dah udu asiu ta tama bwe nadeh?”