Lukaj 2:41-49

⁴¹Ni par karoj jam a o in a kotilan Ierujalem ian kamadip en paja.

⁴²A lao jaunpar eijokriau, irail ap kotilan Ierusalem, duen re kin wia, pwen ian kamadip en paja.

⁴³Ran oko lao daulier, irail purelan jap arail, a jeri Iejuj kotikot eta Ierujalem, a jam o in a jota mani.

⁴⁴A ira kiki on, me a kotin ian kapar o tion mo ’ra. Ira kokola ran eu, ap rapaki i nan pun en jau ’ra o ren men imp arail akan.

⁴⁵Ni ara jota diaradar i, ira ap purelan Ierujalem rapaki i.

⁴⁶Kadekadeo murin pon jili pon ira diaradar i nan im en kaudok, kaipokedi nan pun en jnunpadak kan, kotin mamani ir o kaikainoma irail.

⁴⁷A karoj me ronadar i puriamuiki a kupurokon o a japajapen.

⁴⁸Ira lao diaradar i, ap puriamuiki. In a ap majani on i: Nai jeri, da me kom wiaki on kit met? Mani, jam omui o nai raparapa kin komui janejan.

⁴⁹A kotin majani on ira: Menda koma rapa kin ia? Koma jota aja, me I en mimieta nan me Jam ai?