Luk 11:27-29

²⁷Eme Jises asehek sahou kahis le badeh, udu bolo iri lau mari nane dah, badih tasou ari aloh, “Sekesek handru labai i tare badih atehei ou, ma hawe nyohonei ou badeh.”

²⁸Arile, Jises tiye ja i buku doh, “Sekesek badeh, ki toro are lau anuhun sahou ta Kindrei, ma an hamon ta aliy.”

²⁹Eme lau ame a sola badeh, Jises tiye i tiri anya, “Iri lau mwan ma badih ta len dah badeh, iri ndra-in handru. Iri ndremenya ta anya katou kalem, arile winiyan bwai, kalem ari le kameh iri atou, kalem ta Jona.