Ruka 11:27-29

²⁷Morarame morara kary etaryke tyya ynara tykase nohpo tuhkãkohtae, —Tãkye kuhse asa mana, oenurumahpono, isuhsuru onenyhpyry, tykase nohpo eya.

²⁸Mame mokyro tozuhse Jezu a. Ynara tykase, —Amaroko hkotano. Tãkye exĩko matose Ritonõpo omiry etaryhtao oya xine, aomipona toehse roropa awahtao xine, tykase Jezu eya.

²⁹Morarame imoihmãkõ tooehse ahtao Jezu a, ynara tykase ropa Jezu eya xine, —Popyra matose ipunaka juteu tomo. “Ajamitunuru enepoko yna a oenetupuhtohme yna a,” ãko matose repe ya. Yrome yjamitunuru onenepopyra ase oya xine. Toiro poko rokẽ ãmorepatorỹko ase, Jona ehtopõpyry poko.