LUCAS 14:3-5

³Jøts ja Jesús tnɨma̱a̱y ja ka̱jpxwejpɨtøjktɨ møøt ja fariseotøjktɨ, yɨdeꞌen ja tyiktɨɨy: ―¿Kutuky jøts ja pama̱a̱ꞌy choꞌokt pooꞌkxɨn xøøw u kaꞌ?

⁴Jøts kaꞌap ja yꞌadsowdɨ, amøñɨ ja yꞌettɨ. Wɨnets ja tnɨxa̱jɨyɨɨꞌñ ja pama̱a̱ꞌy jøts ja tyiktsøøjky, yɨdeꞌen ja tnɨma̱a̱y jøts ku ja ñøjkxnɨt.

⁵Wɨnets ja tnɨma̱a̱y ja fariseotøjktɨ: ―¿Pøn yjɨyujk chaka̱a̱ jatyɨ tkaꞌukyikpɨdsømp ku ja ja̱ꞌjøtpy kyunaxy øy yjapooꞌkxɨnxøøwɨ?