Lik 22:47-51

⁴⁷Jezi t'ap pale toujou lè yon bann moun vin rive. Jida, yonn nan douz disip yo, t'ap mache devan. Li pwoche bò kot Jezi pou l' bo li.

⁴⁸Men, Jezi di li: Jida, se avèk yon bo w'ap trayi Moun Bondye voye nan lachè a?

⁴⁹Moun ki te avèk Jezi yo, lè yo wè sak t'apral rive, yo mande li: Mèt, èske nou mèt voye kout nepe?

⁵⁰Yonn ladan yo gen tan pote domestik granprèt la yon kou, li koupe zòrèy dwat li.

⁵¹Men, Jezi di yo: Non. Ase. Li manyen zòrèy nonm lan, li geri li.