47येशूसे चु ताम सुङ्बान लबा धुइरी थेरी म्हिला हुल गिक खजी। थे म्हिला हुलला ङाच्छा ङाच्छा च्युक न्ही चेलागदे न्हङला यहूदा भिबा चेला खजी। येशूदा च्योक लबाला लागिरी थे येशूला ङामरी खजी।
48तर येशूसे थेदा “यहूदा, तिग एसे परमेश्वरसे पुइखबा म्हिदा च्योक लसी फसब लबारी म्हाइबा?” भिसी सुङ्जी।
49जमाहेन्से येशूला ङामरी मुबा चेलागदेसे थेरी तबारी छ्याइबा ताम था याङ्सी येशूदा “प्रभु, ङन्से तरवार चलब लउ?” भिसी,
50थेनीगदे न्हङला गिकसे परमेश्वरला मन्दिररी पूजा लबा मुल म्हिला नोकरदा ताम्मा थेला दाहिनेपट्टिला नाब्यङ च्वाट्टन थाजी।
51तर येशूसे “तजी थालउ” भिसी थेला नाब्यङरी थुर्सी खम्ना लजी।