47Jesu kêsôm biŋ tonaŋ gêmoa ma sêlic lau pom teŋ sêmêŋ, naŋ êsêac 12 nêŋ ŋac teŋ, ŋaê Juda, gêwê êsêac. Juda tau kêtu gasuc gêdêŋ Jesu gêja gebe êIêsôp eŋ alianô.
48Tec Jesu kêsôm gêdêŋ eŋ gebe “Juda, aôm kôlêsôp Ŋamalacnê Latu gobe oc eŋ lasê me.”
49Ma êsêac taŋ sêsap Jesu tôŋ sêmoa naŋ, sêlic gêŋ tonaŋ e sêsôm gebe “Apômtau, aêac oc anac êsêac ŋa siŋ me masi.”
50Ma nêŋ ŋac teŋ gêjac dabuŋsêganê sakiŋwaga kêpa eŋ taŋalauŋ anôŋa su.
51Tec Jesu kêsôm gêdêŋ êsêac gebe “Andec, agôm kêtôm.” Ma kêmoasac ênê taŋalauŋ e ŋajam kêsa.