Levi 11:32-40

³²Na tahuna a maki nga ri mate ri boru langa na maki tara, ra maki iea i muto. A podana ge boru langa na maki ni rata na kai, na kala, na kulina bulmakau, na beke, ra maki lobo nga ri muto. Mu bole mu loi na naru, pali bara ri muto mavonga i harena na malunga liu.

³³Bara maki tara i mate i boru dili na ulo, a maka maki i tabuli pololilo ri muto. Mu bolea a ulo mu ubipodea.

³⁴A maki ni kani i tabuli pololilo vona, i muto. A naru i tabuli pololilo vona, ia tara i muto.

³⁵Bara podana maki mate i boru langa na stov, na oven ni rata na taka, ra maki nga ru muto, mu ubipoda.

³⁶Pali bara a maki mate i boru langa na naru i tua, o na lomu, a naru i uka ma ge muto. Pali a maki i padoi a maki nga i mate, bara i muto.

³⁷A maki i mate i boru langa na vutuna maki ni varo, a vutuna maki i kamumu kunana, i uka ma ri muto.

³⁸Pali a vutuna maki i tabuli na naru, lakea a maki i mate i boru langa ne ria, ra vutuna maki nga ri muto.

³⁹“A kanirau tara ra i kara ni gi kani, i mate, a viri i padoia bara i muto i harena na malunga liu.

⁴⁰A viri i kania a balena kanirau iea o i nugua, ge vahilolo a maka varakia vona. Pali ia bara i muto mavonga i harena na malunga liu.