Levítico 21:13-22

¹³”Dule-irwa-Bab-Dummadse-gormalad-e-dummad, unnila ome-yagwabi nikuoed.

¹⁴Ome-ei-sui-burgwisad, degi, ome-sui-meted nikuosulid, deginbali, ome-gambanuchu-imaked nikuosurbalid. Unnila e-dule-bunagwa-yagwad nikuoed,

¹⁵adi, melle e-dulemar-abargi e-wagan-danikoed-e-nug isguegar. Ani an Bab-Jehová, we-dule-islidik imaked.”

¹⁶Bab-Jehová, Moisésʼga sunmakded, ega sogdebalid:

¹⁷“Aarónʼga sogo: ‘Be-wagan-bonikwagwad bipisaale Bab-Dummadga-madu-ukleged ukosulid, ese warmakosulid. Degisadegu, be-waganga weyob igar maiguoed.

¹⁸Bab-Dummadga-ibmar-ukedse weyob-bonigwamalad bipisaale warmakosulid: Dule-ibya-sated, dule-muya-muya-nanaed, dule-nag-sikaled, dule-sakwa-sikaled, dule-asu-bonikwagwad, dule-uaya-bonikwagwad,

¹⁹dule-nag-bisgaled, dule-argan-bisgaled,

²⁰dule-yargan-mureged, dule-geg-dungumalad, dule-ibya-sibudikid, dule-ukagi-yaa-siid, dule-ukagi-boni-nikad, dule-alugwaggi-boni-nikad.

²¹” ’Aarón-e-wagan-bonikwagwad, bipisaale Bab-Jehováʼga-ibmar-ogumakar-ukleged-ukega, Bab-Jehováʼse warmakosulid. Ar bonikwaa-gued-ulale, bipisaale Bab-Dummadga-madu-ukleged-ukega, Bab-Jehováʼse warmakosulid.

²²Ar Bab-Dummadga-madu-uklegeddi sunna gunmaloed, deginbali, mas-nued-islidikid, degi, mas-nued-bur-islidikid sunna gunmarbaloed.