Legic 95:1-7

¹Hagic nini Yawe legic héimima, neŋaŋ aŋgéŋ titiac ʒamanʒiŋ ségiségi wamma legic héimiwiŋ.

²Ewa hia ac ézéma wésiaiguc kemma legic ʒéra ʒéni iwac muru kemmac.

³Yawe imi Anutu kuneŋ yanda, anutu mocʒoŋ ionac qacginaiguc eŋeŋa kecʒac.

⁴Baec hiŋgac hiŋgara imi mériaiguc hezac. Baec boŋa eŋeŋa acguc iwac buŋa wanʒac.

⁵Konduŋ imi iwac, inéŋ ʒéyu hicŋiyec. Waŋu baec acguc mérianéŋ meyec.

⁶Hagic nini sicgéma mepésimima, kekecnina mihicŋi nénécmiyec Yawe iwac muru simiŋ héimiwiŋ.

⁷I imi Anutunina, nini imi ic embachéra, rama tuŋa mériaiguc ono onopora. Ini nalé yomuaru ewaya nimbiŋ ʒé wanʒuiguc imi;