Text copied!
CopyCompare
Buka Hope - Sam - Sam 95

Sam 95:1-7

Help us?
Click on verse(s) to share them!
1Mae mada kera vahesia se Zihova! Mada velavela vahesia pa qinetuqetu sa Patu hihiu tana nada Hinarupu!
2Mada nuquru mae pa kenuna Sa pa kinera vinahesi, mada kera qetuqetu Nia koari na kinera vinahesi.
3Ura e Zihova sina Tamasa lavata, Asa si na Baṉara lavata sapu ṉati hiniva ni sari doduru tamasa.
4Ṉati hiniva nia Sa sa doduruna sa kasia popoa, podalae koari na vasidi lohidi meke kamo koari na toqere ululudi hola.
5Ṉati hiniva nia Sa sa kolo lamana sapu ele tavetia Sa; meke gua tugo sa pepeso sapu ele kuria Sa.
6Mae todoṉo mada vahesia, mada kokotuṉu pa kenuna e Zihova sapu tavete gita.
7Ura Asa sa nada Tamasa, gita si na Nana tie pu ta kopue koa Sa, meke guana Nana rovana sipi pu kopu ni gita Sa. Mi va avosia kamahire gua sapu zama nia Sa.

Read Sam 95Sam 95
Compare Sam 95:1-7Sam 95:1-7