Gesami Hea:su 95:1-7

¹Misa! Nini da Hina Godema nodone sia:na:di. Ninia da nini Gaga:su Gode Ema nodone gesami hea:la:di.

²Ninia da Ea midadi misini, Ema nodone iasu ia:di, amola hahawane nodone gesami hea:la:di.

³Bai Hina Gode da Gadodafa amola ‘gode’ huluane amo baligisa.

⁴E da osobo bagade huluane amola osobo magufu gelabo gaga:i gududafa amogainini heda:le, agolo gagai gadodafa amoga doaga:le, amo huluane ouligisa.

⁵E da hano wayabo Hi hahamoi amola soge Hi hahamoi amo huluane ouligisa.

⁶Misa! Ninia da Hina Gode nini hahamosu dunu, Ema muguni fili guduli amola dialuma beguduli, Ema nodone sia:ne gadola:di!

⁷E da ninia Gode! Amola E da nini gilisi dialebe dunu amo noga:le ouligili, ninima ninia hanai liligi amo iana.