Legic 63:3-11

³Guac goi héihéiganéŋ kekec ogicʒac imuac kua tasénanéŋ mepési gémmac.

⁴Imuac kekecnawac séc gi mepési gémma guac qacgaiguc mérana meyacma ʒéwelecmaŋ.

⁵Aŋaroroc ʒéma haléc sic qeriaiguc heheya neanʒu ésécnec nuac qeri uŋananéŋ sécgémimia waŋu kua tasénanéŋ ségiségi wamma gi mepési gémmac.

⁶Ni hehe tatacnaiguc gi niŋɋeli gémma siŋiyaiguc kicɋeli kecma qerinanéŋ guac ʒénimmaŋ nalé imuaru imuhuc wammaŋ.

⁷Gi nuac héipucna waŋ nénnec imuac niŋ imuhuc wammaŋ. Ni guac qeŋgaŋgawac amiaiguc ségiségi wamma legic héimaŋ.

⁸Nuac kekec uŋananéŋ qéhéréŋgaiguc naŋu méra héiganéŋ népési seligianʒaŋ.

⁹Kekec uŋana mihicŋima qewiŋ ʒé wanʒu imi eneŋ baec séséŋ hiŋgac hiŋgaraiguc hiŋgacmu.

¹⁰Sounéŋ énériyu haséŋ kazuac neneya wandacmu.

¹¹Néŋ ic kewu inéŋ imi Anutuac ségiségi wammac. Waŋu guac ʒéseligéŋgic séc ʒézé bipi ac waŋgémmu, néŋ ac ikoc ʒéanʒu ionac kuagina imi wéʒéc qeénécmimac.