Buk Song 63:3-11

³Laip bilong dispela graun i gutpela, tasol marimari bilong yu i nambawan tru. Olsem na mi litimapim nem bilong yu.

⁴Bai mi tenkyu long yu na litimapim nem bilong yu inap mi dai. Bai mi litimapim han bilong mi na prea long yu.

⁵Spirit bilong mi em i stap gutpela tru, olsem man i kaikai ol gutpela kaikai, na em i kaikai inap pinis. Na mi amamas na litimapim nem bilong yu.

⁶Taim mi slip long bet mi save tingting long yu. Long nait mi save tingting long yu tasol.

⁷Long wanem, yu bin helpim mi oltaim. Mi stap klostu long yu, olsem pikinini kakaruk i stap aninit long wing bilong mama, na mi singim song bilong amamas.

⁸Mi save wokabaut wantaim yu, na yu save was gut long mi.

⁹Na ol man i laik kilim mi i dai, bai ol i go long ples bilong ol man i dai pinis.

¹⁰Bai ol i dai long pait, na bai ol weldok i kaikai bodi bilong ol.

¹¹Tasol mi king, bai mi amamas long yu, God. Ol man i mekim promis long nem bilong yu long ol bai i bihainim yu, ol i ken amamas tru. Tasol bai yu pasim maus bilong ol man bilong giaman.