Lúkas 1:45-50

⁴⁵Wɛɛ mə́ jəla, wɛɛ muud mə́ *búgʉla nə́ sâ jɛ̂sh Cwámba mə́ sá nə́ bwə́ jááwʉg wo yí í é bwəma yɛ́.»

⁴⁶Maríya mú cɨ nə́: Zɛmbî waam, wo jɨ məma Zɛmbî.

⁴⁷Shíshim wâm í ŋgə kɔɔs nə məshusʉg nəcé cʉgye waamə́ Zɛmbî.

⁴⁸Nəcé a mə́ bə́lɛ ntɨ mísh dʉ́g zhizhe lwaá dɛ́ ámudâ. Haaw! Tɛ́ɛ́d fwála gaád buud wâ ikala byɛ̂sh bwə́ bá dʉ cɨ nə́: «mɛɛ mə́ jəla».

⁴⁹Nəcé Zɛmbî á ŋkul nyɛ̂sh mə́ sá mə məma ísâ. Jínə́ dɛ́ dʉ́sə nə gúmə́ ntɔ̧ sâ jɛ̂sh.

⁵⁰Lâm mə́cɛy yé wúsə nə́ bagə́ shú búúd bwə́ ŋwá nyə nə fúndʉ́gʉ́ wá kə wɔ́ɔ́s íkala ikala.