E Luk 1:45-50

⁴⁵Ii, her yin arhe ya lgekol ekam ko yi her kor mnam yin mang E Nut karo rhek ruk ka engyel ta havaeng yin ormar te, ngar mi kael mit hak.”

⁴⁶E Maria ta ngnek tok, to her le koripang vat kmetim E Nut orom ka kni te, “Koma kanprim Ngoldaip

⁴⁷va ko ho mi ktua sirei hak ko her E Nut arhe Endo Ta Sulgim dok.

⁴⁸Va si kalkayie ta dok, ko gia vle enang a gi vrong vlom langto ko mrek va ta pat mang dok ge. He ekam tok, o gi vrong mia tgus ruk tete va endruk koknaik koknaik ngara re te, dok kua lgekol.

⁴⁹Kua sirei mang E Nut To A Serpgar ko teharom o reha ruk laol, endruk ngat papagis kim dok he. En, ka munik a ho totur hak.

⁵⁰Va ka mamrung nma vaas kim o gi vrong mia ruk ngma totu pum, endruk nga main to tete kar ngaro maineik ruk koknaik koknaik kat.