KOHELETE 1:1-7

¹Ini na Haroro Tauna ena hereva; ia be David natuna, Ierusalem pavapavana.

²Haroro Tauna na eto: Asi anidia ḡaudia, asi anidia ḡaudia; ḡau iboudiai be asi anidia.

³Tau ta ena hekwarahi idoinai dina henunai e karaiamu anina be dahaka?

⁴Uru ta e lao bubunimu, ma uru ta e vara isimu; a tanobada na e mia hanaihanaimu.

⁵Dina e daemu, ma e dihomu; bena ena dae gabuna ma e ḡava heniamu.

⁶Lai ese diho kahana e toa heniamu, bena e toa heḡeḡemu, mirigini kahana e toa heniamu; e toa heḡeḡe-heḡeḡemu, ena dala gunadia ai ma e toa loumu.

⁷Sinavai iboudiai na davara ai e aru lasimu, a davara na se honumu; sinavai ese e aru henidia gunava gabudia ma e aru henidia loumu.