Kiŋ 1 6:19-24

¹⁹Eŋ kêmasaŋ gamêŋ Dabuŋanô tau gêc andu ŋalêlôm tau gebe etoc Apômtaunê poac ŋakatapa êkô tonaŋ.

²⁰Gamêŋ Dabuŋanô tau ŋasagiŋ baliŋ kêtôm saka samuc 5, ŋakalopawa kêtôm saka samuc 5 ma ŋasawa, taŋ geŋ masac ŋalabu to ŋaôŋa gêŋgic naŋ, kêtôm saka samuc 5 amboac tonaŋgeŋ. Ŋalêlôm tau Salomo kêkwa auc samucgeŋ ŋa gold ma kêmasaŋ altar teŋ ŋa kaseda.

²¹Ma Salomo kêkwa andu ŋalêlôm auc ŋa gold. Ma gêjac balaŋ Gamêŋ Dabuŋanô tau ŋa kapoacwalô gold.

²²Ma Salomo kêkwa andu ŋalêlôm samucgeŋ auc ŋa gold e gêbacnê, ma altar, taŋ kêkô Gamêŋ Dabuŋanô tau ŋalêlôm naŋ, amboac tonaŋgeŋ.

²³Aŋga Gamêŋ Dabuŋanô tau ŋalêlôm eŋ kêkôc ka katêkwi ŋadambê luagêc ma kêsap kêtu aŋela kerub ŋakatu luagêc. Ŋakatu tau baliŋ kêtôm saka luagêc ma ŋasêku lulugeŋ.

²⁴Kerub tau nê magê taŋ kêtôm saka samuc teŋ ma ŋasêku ma magê ŋamakeŋ kêtôm tonaŋgeŋ. Ma ŋasawa, taŋ geŋ aŋela teŋ nê magê luagêc gêŋgic naŋ, kêtôm saka luagêc ma ŋasêku.