Kap 38:11-21

¹¹Notnoni gat ae gen kaloŋno gat nak da kapmatjok ap do dɨma galak toŋ, nido wudano yokwisi. Gwakno kɨsi dubagɨkon ekwaŋ.

¹²Nɨkba kɨmokgeŋ do nandaŋ amɨn uŋun nak abɨdok do pat yɨpmaŋ. Amɨn nak aŋtasɨk ak do nandaŋ amɨn yo yokwi aŋ nam do gen yoŋ. Bɨsapmɨ bɨsapmɨ yokwi aŋ nam do gen yaŋ paŋteban aŋ.

¹³Mani amɨn mɨrakni mɨni yombem geni dɨma nandaŋ yomɨsat. Nak kadɨm yombem, do aŋtaŋ yok kɨnda dɨma asat.

¹⁴Nak amɨn kɨnda gen arɨpmɨ dɨma nandagɨ, ae kobogɨ arɨpmɨ dɨma yogogɨ yombem.

¹⁵Mani Yawe, nak gak do jomjom asat. Amɨn Tagɨ, gak Piŋkopno, do gaga geno dakon kobogɨ aŋtobɨlbi.

¹⁶Nak bɨsit yaŋ asat, “Yum pɨndagaki sagalek nɨkban uwal da but kwaktok dɨma nandani.”

¹⁷Nido, nak kɨlɨ uŋunjok mokdɨsat. Ae tepmɨ toktogɨsi pasat.

¹⁸Nak gulusuŋno gagon yaŋ teŋteŋosot, aŋek yokwi agɨm do bupmɨsi nandɨsat.

¹⁹Uwal morapno uŋun tapmɨmɨ toŋsi. Uŋun da ɨsal dogɨn uwal aŋ namaŋ.

²⁰Nak aŋpak tagɨsi aŋ yomɨsat, mani kobogɨ do aŋpak yokwi aŋ namaŋ. Nak aŋpak kɨlegɨ yolapbo uŋun do nandaŋek nak dakon uwal dagoŋ.

²¹Yawe, dɨma nepmaŋ dekgi. Piŋkopno, nak da dubagɨkon dɨma egɨpbi.