Yaburina 38:11-21

¹¹N bɔɲɛn dinma, n fangan bata ɲan. N yɛtagin bata yitɔɲɔn.

¹²N xɔyine nun n dɔxɔ bodene mi fa fama n fɛma amasɔtɔ n ma furen xɔn. Hali n kon kaane bata e makuya n na.

¹³Naxanye waxi n faxa feni, ne bata lutin nati n yɛɛ ra. Naxanye waxi n maxɔlɔ feni, ne n kala feen falama. E mi xadanma fe ɲaxi yitɔndeni.

¹⁴N bata liga alo tuli xɔrina, n mi fe mɛma. N bata liga alo bobona, n mi fala tima.

¹⁵N bata liga alo muxun naxan mi yabin tiyɛ amasɔtɔ a mi fe mɛma.

¹⁶Koni Alatala, n xaxili tixi i tan na. I n yabima nɛn, Marigina n ma Ala.

¹⁷N naxa, “I nama tin n yaxune yi e xunnayeren n na, e nama ɲaxan n ma tɔrɔn na.”

¹⁸N biramatɔɔn na a ra. N xɔlɛni waxatin birin.

¹⁹N bata n ti n hakɛne ra, n yulubine bata n naxamin kati!

²⁰N yaxune tan kɛndɛ, e yixɔdɔxɔ. E wuya naxanye n naɲaxuxi fuu!

²¹Naxanye fe faɲin saranma fe ɲaxin na, ne n tɔrɔma, amasɔtɔ n tan a faɲin nan fɔxɔ ra.