Kap 38:1-9

¹Dewit dakon kap kɨnda. Yawe, butjap nandɨsal mani gen tebai dɨma nayɨki. Butjap madepsi nandɨsal mani nak aŋmɨlɨp ak do tepmɨ pi dɨma nabi.

²Gak gaga dakon gobɨŋ naŋ yamaŋ namɨl, aŋek kɨsitgo da nɨkdak.

³Gak da butjap nandaŋ namɨsal, do sot yokwisi asat. Nak dɨwarɨno toŋ, do gɨptɨmno tapmɨmɨ mɨnisi asak.

⁴Gulusuŋno da kɨlɨ wɨtjɨŋ namgut. Ae uŋun jɨgɨno yɨk yombem jɨgɨni madepsi, do nak da arɨpmɨ dɨma ɨmerɨ.

⁵Gɨptɨmnokon wuda toŋ dakon tabani uŋun madepsi, ae mɨktaŋbi. Nak nandaŋ kokwini mɨni amɨn da arɨpmon aŋpak gulusuŋ agɨm do aŋek uŋun noman taŋ nameŋ.

⁶Butnokon jɨgɨ madepsi taŋakwan tasɨk tosot. Gɨldat kɨnda kaloŋ bupmɨ nandaŋek kunam gɨn tak egɨsat.

⁷Gɨptɨmno tedepmɨsi kɨndap da yaŋ soŋ namɨŋakwan sot madepsi asat.

⁸Yo kɨnda da tebaisi bamaŋ namɨsak uŋun da tɨlak nak obɨsi tasɨk taŋek yokwisi egɨsat. Butnokon da yokwisi nandaŋek tepmɨ madepsi nandɨsat do iyoŋ iyoŋ yosot.

⁹Amɨn Tagɨ, gak da nak dakon galaktok teban nandɨsal. Butno da kunam yokwisi takdak, uŋun gak da dabɨlon pasɨlɨ dɨma.