16Lal naa saab lal, ba mu jekk, di malaan yu yànj, bawoo Misra.
17Lal ba, ma xeeñal, mu ne bann, di ndàbb, cuuraay ak xas mu neex.
18Dikkal, nu baanee baane, ba bët set, te bànneexu ci mbëggeel.
19Sama jëkkër newu fa, daa dem yoon wu sore.
20Mbuusum xaalis la ŋàbb, yóbbu, du ñibbsi ndare weer wi fees dell.»
21Muy mocc ak a moccaat, ba nax ko, di wax lu neex, ba man ko.
22Waa ja jekki, topp ko, mbete yëkk wu ñuy rendiji, mbaa dof bu ñu jéng, di ko yari.
Kàddu yu Xelu 7
Kàddu yu Xelu 7:16-22