Juan 9:32-39

³²Ma tiaꞌ coybꞌi achecsuna jay ayan inteꞌ xeꞌ uyubꞌi utzꞌacpes inteꞌ xeꞌ cuxpa tajpem unacꞌut.

³³Y jay e Jesús machi tari tuaꞌ e Dios, matucꞌa ani erer uche, che e winic xeꞌ tajpem ani unacꞌut.

³⁴Entonces e nuquir winicobꞌ cay uyareobꞌ e winic y chenobꞌ: —Chequer que net cuxpet bꞌutꞌur taca e sian mabꞌambꞌanir umen que cuxpet tajpem unacꞌoit, ¿y cocha tuaꞌ acansion non xeꞌ erachon? che e nuquir winicobꞌ era. Y tamar era ulocsiobꞌ e winic era tama e sinagoga inyajrer.

³⁵Pues entonces e Jesús uyubꞌi que loqꞌuesna e winic xeꞌ tajpem ani unacꞌut tama e sinagoga. Y conda utajwi ubꞌa tacar otronyajr uyubꞌi tuaꞌ y che: —¿Icꞌupseyan ca tama Uyunen e winic? che e Jesús.

³⁶Y e winic che: —Arenen chi era tuaꞌ erer incꞌupseyan tamar, che e winic.

³⁷Y che e Jesús: —Awirix ixto yaꞌ. Jax nen xeꞌ war onjron tacaret, che e Jesús.

³⁸Entonces e winic cotuan tut e Jesús y che: —Niwinquiraret, incꞌupseyan tamaret, che e winic.

³⁹Y che e Jesús: —Nen tarien tara tor e rum tuaꞌ intares e jatzꞌuar, y tuaꞌ atzꞌacpesna tin e tajpem unacꞌut, y tuaꞌ aquetpa tajpem unacꞌut tin e eꞌron, che e Jesús.