32Ic opeu in tlalticpac ahyic ticmautoque tla oncan aquin yoquitlachiyalti in aquin otlacat ixpatzac.
33In tla inin tlacatl ahmo hualani den Dios, ahhuel tlen quichihuani.
34Oncan oquiluihque in tequihuahten: ―Tehhuatl otitlacat titlahtlacolyo. Huan axan tel, ¿tehhuatl titlahtlacolyo tiixcohyehuis titechnextilis? Huan oquixtohuetzohque den tiopantli.
35Jesús omomat quen oquixtohuetzohque in ixpatzac, huan queman omoahsiloc, omoluic: ―¿Ticneltoca ica in Iconetzin Dios?
36In tlacatl oteiluic: ―Tlacatzintli, manechiluican aquinon, ic niteneltocas.
37In Jesús omonanquilic: ―Yitiquitztoc; yinehhuatl aquin ihuan timonohnotztica.
38Oncan in tlacatl omotlancuaquetz teixpa in Jesús, huan oteiluic: ―Nicneltoca, Notecohtzin.
39Saniman omihto in Jesús: ―Nehhuatl onihuala ipan inin tlalticpactli ic niquinixcomaca in tlalticpac tlacamen, huan ic in ixpatzacten maquinehnehuilican. Huan in aquin quihtohuahque mach tlachiyahque, mocahuasque quen ixpatzacten ica intlahtlacol.