Johanningundru 9:32-39

³²Nguralindru (tanali) wata ngarana wonti, kulnujeli kana butjuja milki, nau butju dankanala, piri ngankana wonti.

³³Naupini wata Godandru ngananani, Nau ngandandarinani jenia ngankala.”

³⁴Tanali kalabana wonti ja nunkangu jatana wonti: “Madlentjani jidni dankanala, ja jundru ngaianingu ngujangujara jinkiai?” Ja tanali nina tertubana wonti palaraia.

³⁵Jesujeli matja ngarana, tanali nina narrana warai, ja Nulu nina matja mankamankana, Nau nunkangu jatana wonti: “Jundru Godaia Ngatamurani morlalu ngundrai?”

³⁶Nulu kalabana wonti ja jatana wonti: “Worana Nau nganai, Kaparajai, ngato nunkangu morlalu ngundrananto?”

³⁷Jesus nunkangu jatana wonti: “Jundru nina najina warai, ja Nulia jinkangu ngankamalila wapaia, Naumata Nauja nganai.”

³⁸Nau jatana wonti: “Kaparajai, ngato morlalu ngundrai;” ja nau nunkangu pantjaterkana ngarina wonti.

³⁹Ja Jesus jatana wonti: “Ngani nunkangupini mitani wokaranala puntibala; ngangau tanali wata najiai najinanto, ja tanali najiai butjurinanto.”