Juan 3:26-30

²⁶Entonces ixiobꞌ uyajcanuarobꞌ era tut e Juan y chenobꞌ: —Ajcanseyajet, e winic xeꞌ turet tacar conda turon teinxejr e xucur Jordán que awareon que jax e Cristo war achꞌuyma ubꞌan y tunor e gente war axin tupat, che uyajcanuarobꞌ e Juan era.

²⁷Pero e Juan che: —Matucꞌa tuaꞌ uchꞌami inteꞌ winic jay majax ajcꞌubꞌir umen e Dios.

²⁸Pues nox ajchecsuyajox que nen cay inware que majaxen e Cristo sino que ebꞌetbꞌir tarien tuaꞌ unstes e bꞌir tut jaxir.

²⁹Bꞌan cocha conda ayan inteꞌ nujbꞌiar, e ijchꞌoc xeꞌ tuaꞌ anujbꞌi aquetpa tuaꞌ e sitz xeꞌ tuaꞌ anujbꞌi tacar. Y tin e war utacre e sitz tuaꞌ uche e nojqꞌuin axin atzay conda uyubꞌi ojron e sitz era. Y bꞌanen nen ubꞌan, intzay conda umbꞌi ojron e Cristo.

³⁰Y tamar era jaxir ucꞌani tuaꞌ aquetpa más nuxi winic, y nen ucꞌani tuaꞌ inquetpa más chuchu nicꞌampibꞌir, che e Juan.