ᤕᤢᤜᤢᤴᤏᤠ 3:26-30

²⁶ᤕᤢᤜᤢᤴᤏᤠᤖᤧ ᤁᤢᤜᤢ᤹ᤛᤠᤶᤒᤠᤜᤠ᤹ ᤔᤧᤍᤩᤧᤀᤠᤱ ᤂᤢᤏᤧ᤹ ᤔᤧᤔᤧᤳᤋᤢ. “ᤛᤡᤰᤛᤠᤶᤒᤣ. ᤕᤷᤍᤏ ᤕᤱᤄᤱᤅᤡᤸᤗᤧ ᤏᤠᤎᤠ᤺ᤶᤒᤡ ᤂᤧᤏᤧ᤹ᤏᤢ ᤁᤧᤘᤠ᤹ᤒᤠᤸᤗᤧ ᤁᤢᤕᤠ᤺ᤶᤒᤣᤀᤥ ᤂᤧᤏᤧ᤹ ᤋᤥ᤺ᤴᤍᤡ ᤁᤧᤒᤡᤖᤢᤒᤠ ᤔᤏᤠ᤺ᤸᤗᤧ ᤒᤵᤋᤡᤛ᤻ᤔᤠ ᤐᤡᤖᤢᤛᤡᤖ ᤕᤠᤰᤗᤥ॥ ᤀᤠᤏᤡ᤹ᤀᤥ ᤁᤧᤖᤧᤰ ᤔᤏᤠᤜᤠ᤹ ᤋᤠᤔᤠᤖᤧ ᤁᤢᤗᤧᤰᤘᤠ ᤂᤢᤏᤧ᤹ᤀᤥ ᤔᤧᤒᤣ᤺ᤰᤗ ᤔᤧᤒᤳᤗᤥ॥”

²⁷ᤕᤢᤜᤢᤴᤏᤠᤖᤧ ᤂᤧᤴ ᤏᤥᤃᤵ ᤐᤡᤖᤢ. “ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤧᤶᤒᤡᤀᤣᤃ ᤔᤏᤠ᤺ᤸᤗᤧ ᤌᤧᤔᤠᤀᤠᤱ ᤂᤥ᤺ᤔᤠ ᤔᤧᤛᤢᤰᤋᤢᤴᤗᤥ॥

²⁸ᤀᤡᤱᤃᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋ ᤔᤧ᤺ᤴᤏᤠ᤹ᤖᤥ ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ᤏᤢ᤺ᤸᤗᤣ ᤋᤃᤡ ᤐᤠᤱᤄᤠᤱᤒᤠᤖᤰ ᤑᤠ᤹ᤀᤠᤱ ᤐᤠ᤺ᤳᤋᤢᤱᤒᤠ ᤐᤠ᤺ᤴᤏᤡᤴ ᤂᤡᤏᤡ᤹ᤀᤣ ᤋᤥ᤺ᤴᤍᤡ ᤐᤡᤔᤠ ᤁᤧᤛᤢᤰᤋᤢᤶᤗᤥ॥

²⁹ᤛᤡᤛᤠᤔᤣ᤺ᤳᤋᤡᤱᤃ ᤏᤠᤗᤡᤛᤠᤱᤅᤡᤸᤗᤧᤴᤏᤣᤖᤥ॥ ᤏᤠᤗᤡᤛᤠᤱᤅᤡᤴ ᤀᤠᤳᤋᤥ ᤘᤠ᤹. ᤂᤧᤵᤔᤥᤀᤣ ᤛᤡᤛᤠᤔᤣ᤺ᤳᤋᤡᤴ ᤐᤣ᤺ᤰᤗᤥ॥ ᤏᤠᤗᤡᤛᤠᤱᤅᤡᤴ ᤁᤢᤴᤍᤣ᤺ᤱᤒᤠᤸᤗᤧ ᤜᤠᤱᤄᤢᤀᤠᤱ ᤂᤢᤏᤧ᤹ ᤁᤢᤒᤠ᤺ᤴ ᤂᤧᤵᤛᤢ᤹ ᤜᤧᤰᤁᤩᤠᤱ ᤂᤢᤏᤧ᤹ ᤋᤠ᤺ᤸᤗᤧ ᤛ᤺ᤳᤗᤥ॥ ᤀᤡᤱᤃᤠ᤹ᤀᤠᤱ ᤜᤧᤰᤁᤣᤗ᤹ᤖᤡᤰ ᤛ᤺ᤳᤋᤠᤖᤥ ᤜᤧᤰᤁᤩᤠᤱ ᤀᤠᤸᤗ ᤀᤠᤛ᤺ᤵᤔᤧᤴ ᤁᤢᤗᤡᤱᤎᤥ ᤁᤧᤖᤧᤖᤥ॥

³⁰ᤂᤪᤡᤛ᤻ᤋᤖᤧ ᤁᤢᤔᤡᤱᤛᤥ ᤀᤡᤱᤎᤠ᤺ᤱ ᤜᤠᤖᤠ᤹ ᤐᤥ᤺ᤖ ᤐᤣ᤺ᤰᤗᤖᤥ. ᤀᤡᤱᤃᤠ᤹ᤃ ᤆᤢᤰᤐᤠ ᤐᤥ᤺ᤱᤔᤠᤀᤣ ᤐᤥ᤺ᤱᤗᤥ॥”