Juan 21:1-8

¹Ngulo mded kwaane, Jesús mlu lo re nu, xaa mseed lo xaa, roo nistoo cheen Galilea, kwaan noka nii xaa Tiberias, nu snee ngoka:

²Nzo Simón Pér, Max (xaa nii xaa lo “Kwech”), Nat (xaa nak xaa yezh Caná cheen yizhyo Galilea), nu rop wech nu (nu nu nak xgann Zebedeo), nu xchop xaa kaseed lo Jesús.

³Simón Pér né lo re nu: —Lee na yazen mbal. Lee re nu mkeb nzhé: —Noka re nu ya kwaan lu. Zee ngwa re nu, nu nguxoob re nu lo tub kano, per yaal zee namzent nu nik tub mbal.

⁴Gorna nzeka xnila yizhyo, lee Jesús mlu lo re nu roo nistoo, per lee re nu nangunet chelee xaaya.

⁵Jesús mnabdizh: —Xey, ¿che nik tub mbal nangugat lo re gu? Lee re nu mkeb nzhé: —Nik tub ma.

⁶Jesús né lo re nu: —Bchep gu xkyeez gu leen nis naz lad li kano, zee yiga mbal lo gu. Sbaa mle nuya, nu zee nyentra mod koo nu yeez, nel zyen doo mbal nguga.

⁷Zee nzhé na, xaa tant nkela xaa, lo Pér: —¡Xaa Nabeyy beya! Gorna mbin Simón Pér, Xaa Nabeyy beya, ngok xaa xab xaa (nel mkiib xaa xab xaa zee kee xaa zhiin), nu mzeeb xaa leen nistoo.

⁸Lee stub naz re nu nyaad leen kano, kwaan yeez nyazhe mbal, nel nzo re nu kan tub gayoo metr roo nistoo.