1තතඃ පරං තිබිරියාජලධේස්තටේ යීශුඃ පුනරපි ශිෂ්යේභ්යෝ දර්ශනං දත්තවාන් දර්ශනස්යාඛ්යානමිදම්|
2ශිමෝන්පිතරඃ යමජථෝමා ගාලීලීයකාන්නානගරනිවාසී නිථනේල් සිවදේඃ පුත්රාවන්යෞ ද්වෞ ශිෂ්යෞ චෛතේෂ්වේකත්ර මිලිතේෂු ශිමෝන්පිතරෝ(අ)කථයත් මත්ස්යාන් ධර්තුං යාමි|
3තතස්තේ ව්යාහරන් තර්හි වයමපි ත්වයා සාර්ද්ධං යාමඃ තදා තේ බහිර්ගතාඃ සන්තඃ ක්ෂිප්රං නාවම් ආරෝහන් කින්තු තස්යාං රජන්යාම් ඒකමපි න ප්රාප්නුවන්|
4ප්රභාතේ සති යීශුස්තටේ ස්ථිතවාන් කින්තු ස යීශුරිති ශිෂ්යා ඥාතුං නාශක්නුවන්|
5තදා යීශුරපෘච්ඡත්, හේ වත්සා සන්නිධෞ කිඤ්චිත් ඛාද්යද්රව්යම් ආස්තේ? තේ(අ)වදන් කිමපි නාස්ති|
6තදා සෝ(අ)වදත් නෞකායා දක්ෂිණපාර්ශ්වේ ජාලං නික්ෂිපත තතෝ ලප්ස්යධ්වේ, තස්මාත් තෛ ර්නික්ෂිප්තේ ජාලේ මත්ස්යා ඒතාවන්තෝ(අ)පතන් යේන තේ ජාලමාකෘෂ්ය නෝත්තෝලයිතුං ශක්තාඃ|
7තස්මාද් යීශෝඃ ප්රියතමශිෂ්යඃ පිතරායාකථයත් ඒෂ ප්රභු ර්භවේත්, ඒෂ ප්රභුරිති වාචං ශ්රුත්වෛව ශිමෝන් නග්නතාහේතෝ ර්මත්ස්යධාරිණ උත්තරීයවස්ත්රං පරිධාය හ්රදං ප්රත්යුදලම්ඵයත්|
8අපරේ ශිෂ්යා මත්ස්යෛඃ සාර්ද්ධං ජාලම් ආකර්ෂන්තඃ ක්ෂුද්රනෞකාං වාහයිත්වා කූලමානයන් තේ කූලාද් අතිදූරේ නාසන් ද්විශතහස්තේභ්යෝ දූර ආසන් ඉත්යනුමීයතේ|
යෝහනඃ 21
යෝහනඃ 21:1-8