Juan 19:32-37

³²Purisu igsadun tô mga sundalo, asta igpantigan dan tô paa katô sábbad manubù asta tô paa katô ássa manubù na igpansalan madani tun ki Jesus.

³³Asal tô igdunggù dan tun ki Jesus, asta tô igkita dan na inaté dán sikandin, ándà dan pantigi tô kandin paa.

³⁴Asal duwán sábbad sundalo na igbunù katô kilidan i Jesus ka pangidù, asta tigkô dád igarus tô dipanug asta wayig.

³⁵(Igkita ku ni langun na igulit ku ákniyu, asta ágkasarigan tô kagi ku. Isóddóran ku na bánnal ni ilumu ébô mamaké kó pagsik.)

³⁶Inému ni ébô matuman tô igsulat tun ta kagi ka Manama sayyan, “Ándà palang tullan din na pantigan.”

³⁷Duwán ássa tandô na igsulat tun ta kagi ka Manama sayyan, “Sállággán dan tô igbunù dan.”