ᤕᤢᤜᤢᤴᤏᤠ 19:32-37

³²ᤂᤧᤸᤗᤧ ᤆᤥᤃᤢᤸᤗᤧ ᤌᤰᤛᤢᤒᤠᤜᤠ᤹ ᤔᤧᤒᤣᤀᤠᤱ ᤕᤧᤛᤢ᤺ᤴᤏᤢ ᤔᤧᤓᤥ᤺ᤴᤍᤢᤛᤡᤒᤠ ᤔᤏᤠᤜᤠ᤹ᤖᤧ ᤂᤢᤴᤇᤡ᤹ ᤗᤠᤱᤜᤠ᤹ ᤔᤧᤀᤧᤰᤂᤢᤖᤥ॥

³³ᤁᤖ ᤂᤧᤱᤜᤠ᤹ ᤕᤧᤛᤢᤖᤥ ᤔᤧᤓᤧᤖᤧᤸᤗᤧ ᤕᤧᤛᤢ᤺ᤱᤃ ᤋᤃᤡᤀᤣ ᤛᤩᤧᤒᤠ ᤔᤧᤏᤡ᤺ᤛᤢᤀᤠᤱ ᤂᤢᤏᤧ᤹ ᤁᤢᤗᤠᤱᤜᤠ᤹ ᤔᤧᤴᤀᤧᤰᤂᤢᤴᤗᤥ॥

³⁴ᤜᤧᤰᤁᤣᤛᤠᤱ ᤌᤡᤰ ᤌᤰᤛᤢᤒᤠᤸᤗᤧ ᤕᤧᤛᤢᤖᤧ ᤁᤢᤗᤧᤶᤓᤣ᤺ᤵᤔᤥ ᤗᤠ᤺ᤰᤁᤡᤸᤗᤧ ᤌᤢᤒᤢᤸᤗᤧ ᤂᤡᤔᤥ ᤂᤧᤵᤔᤥᤗᤠᤶ ᤔᤠᤰᤂᤡ᤹ ᤏᤢ ᤆᤫᤠ᤺ᤳ ᤗ᤺ᤴᤍᤧᤖᤥ॥

³⁵ᤂᤡᤏᤡ᤹ᤀᤠᤱ ᤏᤛᤠ᤺ᤴ ᤁᤧᤈᤥᤃᤢᤶᤗ ᤑᤠ᤹ᤀᤠᤱ ᤂᤧᤴ ᤐᤥ᤺ᤰᤂᤧᤒᤠ ᤐᤠ᤺ᤴ ᤁᤧᤏᤡ᤺ᤒᤠᤸᤗᤧ ᤁᤴ ᤐᤠ᤺ᤴᤜᤠ᤹ ᤐᤠ᤺ᤳᤋᤢᤒᤠᤖᤥ॥ ᤜᤧᤰᤁᤩᤠᤱ ᤂᤢᤏᤧ᤹ ᤐᤠ᤺ᤳᤋᤢᤒᤠ ᤐᤠ᤺ᤴᤜᤠ᤹ᤃ ᤛᤧᤰᤂᤠᤀᤣᤖᤥ॥

³⁶“ᤂᤢᤏᤧ᤹ ᤁᤢᤕᤧ᤺ᤵᤐᤠᤜᤠ᤹ ᤗᤳᤌᤡᤰᤁᤠᤱ ᤔᤧᤀᤧᤰᤏᤧᤴᤗᤥ” ᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤵᤐᤠ ᤛᤠᤶᤕᤥᤛᤠᤵᤗᤠ᤺ᤴ ᤁᤧᤳᤗ ᤑᤠ᤹ᤀᤠᤱ ᤀᤰᤂᤣ ᤐᤥ᤺ᤰᤂᤧᤒᤠᤖᤥ.

³⁷ᤜᤧᤰᤁᤩᤠᤱ ᤘᤣ᤹ ᤋᤧᤴᤏᤥ ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤀᤠᤱ ᤛᤠᤵᤋᤧᤀᤠᤱ ᤐᤳᤗᤥ. “ᤁᤧᤎᤢᤵᤐᤠᤜᤠ᤹ᤖᤧ ᤀᤠᤒᤠᤅᤣ ᤔᤧᤎᤢᤒᤢᤒᤠᤴ ᤀᤥᤔᤧᤔᤧᤳᤋᤢᤖᤥ॥”