Josua 7:13-14

¹³Kopwe ütä o apini ekewe aramas. Kopwe üreniir pwe repwe apiniir o amol ngeni lesor. Pun iei aloi, ngang ewe Samol mi Lapalap ewe Koten Israel, ‘Ämi chon Israel, a wor mettoch leimi mi pin ngenikemi. Ousap tongeni pwora ngeni chon oputakemi, tori oupwe ataela ekewe mettoch mi pin ngenikemi.’

¹⁴Iei mine lesosorun lesor eu me eu kewe ainang epwe mwicheto, nge ewe ainang ewe Samol mi Lapalap a asilla, eu me eu eterekesin lon epwe mwicheto. Iwe, ewe eterekes ewe Samol mi Lapalap a asilla, eu me eu familien lon epwe mwicheto, nge ewe famili ewe Samol mi Lapalap a asilla, eman me eman mwänin lon epwe feito.