Josua 18:15-23

¹⁵Iwe, kiännin me peliör a popueta me lesopun Kiriat-jearim mi nom lotou o pwerela tori ekewe koluk mi puächetä me lon Neftoa.

¹⁶Mürin, ewe kiä a feitiu fäsonun ewe chuk mi sapechöchö ngeni ewe lemolun Hinnom mi nom peliefengin müchütiuen ewe lemolun Refaim. A pwal fitätiu ewe lemolun Hinnom peliörün ekewe chukun chon Jepus o feitiu tori En-rokel.

¹⁷Mürin, ewe kiä a pwelila ekis ngeni efeng o pwerela tori Ensemes. Seni ikenan a pwerela tori Kelilot mi sasape ngeni ewe palen Atumim. Mürin a feitiu tori ewe fau föün Pohan nöün Rupen we mwän.

¹⁸A pwal pwerela peliefengin won ekewe chukuchukutä sasape ngeni ewe lemolun Jortan o feitiu tori ewe lemol.

¹⁹Mürin, ewe kiä a pwerela peliefengin won ekewe chukuchukutän Pet-hokla o müchütiu me peliefengin ewe Setin Mäla amüchütiuen ewe chanpupu Jortan me ör. Iei kiännin me peliör.

²⁰Nge ewe chanpupu Jortan kiännin me peliötiu. Iei unusen pwelin kiännin fanüen chon ewe ainangen Peniamin a aükük ngeni ükükün ar kewe famili.

²¹Iwe, ikkei iten ekewe telinimwen chon ewe ainangen Peniamin a aükük ngeni ükükün ar kewe famili: Jeriko, Pet-hokla me Emek-kesis,

²²Pet-arapa, Semaraim me Petel,

²³Awim, Para me Ofra,