Josua 15:1-4

¹Iwe, iei ewe fanü mi ainet ngeni chon ewe ainangen Juta a aükük ngeni ükükün ar kewe famili. Iwe, peliörün fanüer a poputä me won kiännin Etom ewe fanüapön Sin kuku ngeni ör.

²Mürin, kiännin fanüer me peliör a fetal seni lesopolan ewe Setin Mäla, ewe nom mi sasape ngeni ör.

³A feila örün ewe chukuchukutä Akrapim, a pwerela tori Sin o feitä örün Kates-parnea, a pwal pwerela ünükün Hesron, a feitä tori Atar o pweliela ngeni Karka.

⁴Mürin, ewe kiä a pwerela tori Asmon, a feila ngeni ewe öüwön Isip o müchütiu me ren ewe mataulap. A iei kiännin fanüer me peliör.