Joshua 4:8-12

⁸Me rin’ fapi pumo’on e tin keyog Joshua ngorad. Miyad fek ragag nge l’agruw e malang u lukngun e lul’ ni Jordan, ni bod rogon ni yog SOMOL ngak Joshua, nra reb ma fan ngak reb e ganong nu Israel, nge un ngorad ko gin nranod ra pired ngay, mranod ra ted e pi malang nem ngaram.

⁹Miki tay Joshua ragag nge l’agruw e malang nga lukngun fare lul’ ni Jordan ko chigin’en ni duwgil fapi prist riy ni kar mat’egned fare Kahol ko M’ag. (Pi malang nem e kabay u rom.)

¹⁰Me par fapi prist ni yad ba sak’iy u lukngun e lul’ ni Jordan nge mada’ ko ngiyal’ ni kan rin’ urngin e tin ni yog SOMOL ngak Joshua ni nge weliy ngak e girdi’ ngar rin’ed. Irera’ e n’en ni yog Moses ni ngan rin’. Me gurnag piyu Israel yad ngar th’abed e lul’ nga baraba’.

¹¹Ma nap’an nra thapgad nga baraba’ ni yad gubin, me m’on fare Kahol ko M’ag rok SOMOL nge pi prist nga fin i lay e girdi’ nu Israel.

¹²Pi pumo’on ko genong rok Ruben nge Gad, nge baley ko ganong rok Manasseh e ra m’onod rok e girdi’ ngar th’abed e lul’ nga baraba’, ni kar fal’eged rogorad ni fan ko mael, ni bod rogon nike yog Moses ngorad.