يٌسُوٍ 4:8-12

⁸يٌسُوٍ نَشَن قَلَ عِسِرَيِلَكَيٍ بّ، عٍ نَشَ نَ رَبَ. عٍ نَشَ فّمّ قُ نُن قِرِنيِيٍ تٌنفٌ يُرُدّن شُرٍ تَفِ، عَلْ عَلَتَلَ عَ مَسٍن يٌسُوٍ بّ كِ نَشّ، عٍ سَ عٍ تٌنفٌ عِسِرَيِلَ بْنسْي كْنتِ مَ. عٍ نَشَ عٍ شَنِن حَمَ يٌنكِندٍ، عٍ عٍ دْشْ نَا.

⁹يٌسُوٍ نَشَ فّمّ قُ نُن قِرِن فبّتّيٍ مَلَن يُرُدّن شُرٍ تَفِ، عَلَ شَ سَاتّ كَنكِرَ شَنِنمَيٍ نُ تِشِ دّننَشّ. هَن تٌ نَ فّمّ مَلَنشِيٍ نَ نَا.

¹⁰سّرّشّدُبّ نَشٍيٍ نُ سَاتّ كَنكِرَ شَنِنمَ، نٍيٍ نَشَ تِ يُرُدّن شُرٍ تَفِ، هَن حَمَ فّ عَلَتَلَ شَ يَامَرِ بِرِن نَبَتُدٍ، عَلْ عَننَبِ مُنسَ نُ بَرَ عَ مَسٍن يٌسُوٍ بّ كِ نَشّ. حَمَ بِرِن نَشَ دَنفِ مَقُرٍن مَقُرٍن.

¹¹عٍ تٌ بَرَ فّ دَنفِدٍ، سّرّشّدُبّيٍ نَشَ دَنفِ حَمَ يَ رَ، عٍ نُن عَلَتَلَ شَ سَاتّ كَنكِرَ.

¹²رُبٍن بْنسْي، فَدِ بْنسْي، نُن مَنَسِ بْنسْي سّيتِ نَشَ دَنفِ، عٍ تِ عٍ فٍرٍ سٌ كِ مَ عِسِرَيِلَ حَمَ يَ رَ، عَلْ عَننَبِ مُنسَ عَ قَلَ عٍ بّ كِ نَشّ.