Joshua 21:36-41

³⁶Mu lan tafen Ruben e ni pi’ aningeg e binaw riy ngorad: yu Bezer, Jahaz,

³⁷Kedemoth, ngu Mefaath, nge yungi flang ko pi binaw nem ni fan ko gamanman rorad.

³⁸Mu kun pi’ aningeg e binaw ngorad u lan tafen fare ganong rok Gad: Ramoth (irera’ reb fapi binaw ntagil’ e ayuw) u lan yu Gilead, nib mu’un e pi flang riy ngay ni fan ko gamanman rorad, ngu Mahanaim,

³⁹ngu Heshbon, ngu Jazer, nge yungi flang ko pi binaw ney ni fan ko gamanman rorad.

⁴⁰Ere fare ke girdi’ rok Merari e ragag nge l’agruw e binaw u gubin nni pi’ ngorad.

⁴¹Ga’angin e nam ni tafnay e girdi’ nu Israel, ma aningeg i ragag nge meruk e binaw riy, nib mu’un e yungi flang ngay nib liyeg e pi binaw nem, e ni pi’ ngak e pi Levite.