Joshua 21:36-41

³⁶Digaula la guu wanga ginai nia waahale e haa aanei mai i di madawaawa Reuben: go Bezer mo Jahaz,

³⁷Kedemoth mo Mephaath, mo nadau gowaa geingatolo.

³⁸Digaula la guu wanga ginai nia waahale e haa aanei mai i di madawaawa Gad, go Ramoth i tenua go Gilead, (deenei di waahale e mee di bala ai tangada), mo Mahanaim,

³⁹Heshbon mo Jazer, mo nadau gowaa geingatolo.

⁴⁰Malaa, nia waahale huogodoo ala ne wanga gi di madahaanau damana o Merari le e madangaholu maa lua.

⁴¹Nia waahale huogodoo e madahaa maa walu mo nadau gowaa geingatolo la guu wanga gi di madawaawa Levi, mai i nia guongo ala ne hai mee ginai digau Israel.