37Te olo bidibo si silibo side, te genuai side dao, wai. Te tebo side Jisas dolaluyu, bomo olama, i wai, 鈥淏idi me deli a台i台 nogone ebaso da, te bidi ena pageba aselama, a台i台 tuagasao.
38Godigo wali po ase台ani bukude te po ase台ani po gilama, 鈥楤idi mego enabolo homu da台u台 olama, mubaso da, ta, te bidigo homu kolesagade te bidabo bomo elalubo a台i台 hauwa mu ulu pedalama, bilaibao,鈥 wai,鈥 Jisasgo te po wai.
39Jisas agai te a台i台 po te Godigo Mobo Bidide wai. Augwa homu da台u台 olama, Jisasba mubo we bidi teba Godigo Mobo Bidi nosali asaibao. Tiali goli te sogo Jisas aga bomo dali moni nogi dali sisa台badi, God agai Mobo Bidi te we bidibolo mabe, te nosali mawaibao.
40Meba we bidi augwaligo Jisasgo wali po odolama, te po wai, 鈥淢u tama, te bidi Jisas da te polasa asobo bidi, te Krais aga asobo sogo te pa台de tama dao.鈥
41Meba bidigo te po wai, 鈥淭e aga da, te Godigo sa muyu asaibao wali bidi dao.鈥 Tiali digi mebago te po me wai, 鈥淲oo, Godigo asaiba wali bidi te Galili bulude pedalogobeo.
42Godigo nosali yabo se台 po ola mani profet bidi mego bukude ase台ani po, te po me deli te tiwai dao, Godigo asaibao wali bidi te Devitgo hani asali digi tedu asaibao, te be nani nogi Betlehem tedu asaibao, te bulu polobadu Devit aga page bulu dao,鈥 bidi mebago te po wai.
43Tama tibaso, te we bidi augwali bidi hani si tomode bugwai, te Jisasde.
44Meba bidi hani augwaligo homugo Jisas kalabus yabo homu yai. Tiali digi bidi me deligo Jisas agaba nogo me mubeo.
45Te geasa pelama, enesigi bidi dabe augwali te pris tobolu bidi dabe dali, te Farisi bidi dabe dali, augwali bidibo digi sabolai. Tama te tobolu bagego te enesigi bidi dabe hanalu wai, 鈥淢agi yaliwe? Dagego te bidi Jisas sela asai meniwe?鈥
46Te enesigi bidi dabego po wei ponoyu, te po wai, 鈥淧olobadu bidi mego Jisasgo wabo po tiwai munu me wai menio,鈥 te po wai.
Jon 7
Jon 7:37-46