Joaŋ 7:37-46

³⁷Gêdêŋ omsêga ŋabêc kapôêŋ ŋamuŋa naŋ, Jesu gêdi ŋa ma kêsôm kêkac awa sageŋ gebe “Ŋac teŋ embe bu êjô eŋ, go mêŋênôm aŋga aêŋoc.

³⁸Ŋac taŋ kêkêŋ gêwiŋ aê kêtôm biŋ, taŋ teto gêc naŋ, gebe ‘Bu mata jaliŋa êc ŋasamac kapôêŋ êsa aŋga ênê ŋalêlôm êna.’”

³⁹Biŋ tonaŋ eŋ kêsôm kêpi Ŋalau. taŋ eŋ gebe lau-sêkêŋ-gêwiŋwaga êkêc aŋga ênê. Jesunê ŋawasi kêsa atomgeŋ, tec Ŋalau gêmêŋ atom tageŋ.

⁴⁰Lau taŋ sêŋô biŋ tonaŋ nêŋ ŋagêdô sêsom gebe “Ŋac tonê eŋ propete tau, biŋŋanô.”

⁴¹Ma ŋagêdô sêsôm gebe “Ŋac tônê eŋ Kilisi tau.” Mago ŋagêdô sêsôm gebe “Kilisi êsa aŋga Galilaia me.

⁴²Biŋ taŋ teto gêc naŋ, amboac tonec gebe Kilisi êsa aŋga Dawidnê ŋawê ma êsa aŋga malac Betlehem, taŋ Dawid gêŋgôŋ naŋ êmêŋ.”

⁴³Amboac tonaŋ lau sêwa tauŋ kêkôc kêtu Jesuŋa

⁴⁴e lau ŋagêdô sebe sêkôc eŋ tôŋ, mago ŋac teŋ lêma kêsac eŋ atom.

⁴⁵Sakiŋwaga dêdêŋ lau dabuŋsêga to Parisai sêmu sêja ma nêŋ ŋataui sêsôm gêdêŋ êsêac gebe “Amboac ondoc, tec akôc eŋ atom nec.”

⁴⁶Ma sakiŋwaga sêjô êsêac aweŋ gebe “Ŋamalac teŋ kêsôm biŋ amboac ŋac tônê kêsôm nec atomanô.”