Jon 20:3-11

³Io kaik, Pita ma no mes na bulu na harausur dir ga taman tut laah wara ukarawa tano midi.

⁴Dir ga hilhilau haan, iesen no mes na bulu na harausur ga hilau nalua tane Pita gaam a huna hanuat karawa tano midi.

⁵Ga heraro laka uram ta ira katona maal diet ga noh taar kaia, iesen pa ga laka.

⁶Io, Saimon Pita um nong ga murmur haan tana ga me hanuat gaam haan laka tano midi. Ga nes ira katona maal diet ga noh taar kaia tika ma no maal na haratur di ga pulus no ulu Jisas mei. Iakano maal ga noh sisingen taar at ma ga tamapuli timaan taar.

⁸Io, no mes na bulu na harausur nong ga huna hanuat kaia tano midi ga haan laka mah. Ga nes ma ga nurnur.

⁹(Dir pa ga palai baak bia ira nianga tane God di ga pakat i tange bia Jisas na tamat tut at sukun ra minaat.)

¹⁰Io, ira iruo bulu na harausur dir ga tapukus balin taar ta ira ngasia dir tikatikai.

¹¹Iesen Maria ga tur taar at nataman tano midi ma ga susuah. Ing ga susuah ga heraro laka uram tano midi ma ga nes leh airuo angelo. Ira kiniasi dir a ponponiana ma dir ga kis taar tano subaan di ga hainoh tar baak no palatamaine Jisas kaia. Tikai ga kis taar urau ra uno ulalang ma nong tikai ga kis taar uras tano uno kinakadus.