Dyan 20:3-11

³Kafnge ayé, ta mdà Piter na i satu to tdò Dyisas, na gatù ale di lbang.

⁴Lwe ale sadluh gatù, bay kibò baltik i satu, na muna kenen kel di lbang.

⁵Na fkagò kenen du smanil, na teenan i dad falnas bukay, bay là fusukan.

⁶Kafnge ayé, ta lê kel Simon Piter, na fles kenen fusuk di lbang, na teenan dad falnas bukay mlasà déé.

⁷Maglulun i falnas labéd di ulun. Mahal gumlasà i falnas ayé, na mahal gumlasà i falnas labéd di lawehan.

⁸Na kafnge ayé, ta lê fusuk i satu to galan tdò, dunan i muna kel gine di lbang, na kanton teen i kalbong kdee ani, ta ftoo kenen.

⁹(Blaam là fa glabatla i gumanan dun di Tnalù Dwata là fakay ku là mték Dyisas mdà di fati.)

¹⁰Na i dad lwe tdò Dyisas, ta mdà ale mulê.

¹¹Bay Méri, fanak kenen di lwà i ilib gulambang, na mngel. Na fkagò kenen smanil di lam i lbang.