Ioanes 20:3-11

³Ma Petero i vana oai, dir ma nam ra tutana na vartovo, ma dir vana upi ra babang na minat.

⁴Ma dir vutvut guvai, ma nam ra tutana na vartovo i vutvut lua tai Petero, ma i pot lua ta ra babang na minat;

⁵ma i rururu, i gigira ara, i gire ra umana mal kumau, dia vava; ma pa i ruk tana.

⁶Simon Petero i pot mur tana, ma i ruk ta ra babang na minat; ma i gire ra umana mal kumau, dia vava,

⁷ma ra mal na niu, di ga tuba ra uluna me, pa i va varurung ma ra umana mal kumau di ga pin ia, ma di ga vung vaire.

⁸Ma nam ra tutana na vartovo, nina i ga pot lua, i ruk bula tana, ma i gire, ma i nurnur.

⁹Tago pa dir nunure boko ra Buk Tabu ure, ba na tut mulai kan ra minat.

¹⁰Ma ra ura tutana na vartovo dir talil mulai ta ra kuba i dir.

¹¹Maria i turtur ra pia pire ra babang na minat, ma i tangtangi; ba i tangtangi, i ruru, ma i nana ura ra babang na minat;