5Yawetä ŋode yäyak; Äma ŋodewani uwä wakita biŋam; Äma Yawe näk mäde ut namiŋpäŋ noriyeta nadäŋ yämikinik täŋpäŋ uterak tubeŋ kuk täkaŋ, ba äma täŋo kehäromita nadäŋirä ärowani täk täkaŋ.
6Äma uwä päya kome waki, gakŋini nämoken gämäneŋ ärok täkaŋ udewani. Uwä imaka täga ahänayäŋ täkaŋ uwä nämo api yabäneŋ. Nämo, uwä kome kawukiinik, ämatä itpäŋ-nadäk nämo täŋpaniken jäwärigän api itneŋ.
7Upäŋkaŋ ämawebe Yawe näk nadäŋ namikinik täŋpäŋ näkä terak tubeŋ kuk täkaŋ uwä säkgämän itkaŋ.
8Äma udewani uwä päya ume pomi terak piwani ude. Unitäŋo jäwäri pewä yäpmäŋ ume gänaŋ äpmok täkaŋ unita edap dapuri taŋi ijiweko upäŋkaŋ nämo umuntäneŋ. Nämo, uwä kubirigän pen ärok täkaŋ. Täŋpäkaŋ iwän kadäni käroŋi nämo taweko upäŋkaŋ nadäwätäk nämo täk täkaŋ. Nämo, unitäŋo bureni uwä pen yäpurärätpäŋ pat täkaŋ.
