Isaiya 11:4-10

⁴Haba tau kuꞌu, laulau dudulai yai ya fakasadi, yo gelogeloma dodogadi haba nuwatuhu loholoho yai enehedi ya fakasadi. Ena liba yai haba dodoga sa panisidi, yo haba dodoga heyaheyayadi ya faꞌankamkamnadi, be sa peꞌi. Yahafuwana yai haba tau heyaya ya wunuidi.

⁵Laulau dudulai yo liba dudulai mate ana bwaꞌulu

⁶ꞌWayoꞌwayowa yo sipi haba sa miya esega, yo lepodi yo goti nanatudi haba sa eno gogo. Bulumakau nanatudi yo laiyon nanatudi haba sa anban gogo. na wawaya kiukiu haba suisui ni ya foyahidi.

⁷Bulumakau yo beya haba sa anban esega, na suisuidi afa nanatudi haba sa eno esega. Laiyon haba hawahawa ya anidi doha bulumakau.

⁸Doha wawaya kiukiu weso anꞌannalina galina sadaina yai ya aiꞌaiheya, yo wawaya hesa nimana ya tole lawen nohina yai.

⁹Guyau ena Tuꞌa Saiyon Fafatabuna yai, ibege heyaya e somo hesa i faꞌankamkamna. Guyau ena sibasiba haba nuꞌu mahudoꞌina ya mohafu, doha hoꞌowa gabogabo ya famohafu.

¹⁰Fuyanna yai, haba Desi laulauwewena hesa ya mwaitoma, doha oyagi lamna yai inna ya tutulima. Ya famala doha fafaꞌilala, nuꞌudi haba sa faꞌoigogo lisina yai yo ena aba anyawasi nuꞌuna haba ya loholoho wananaha.