Iritigankaneegi Jeso 1:20-25

²⁰Otsirinkakotunkanitari sankevantiku paitacharira Saremo okanti: ‘Ovashigantanakenkanira ivanko gara tyani timantumataaro.’ Aikiro okanti: ‘Pashinikya pugaerine irantavagetakenerira Atinkami.’

²¹“Maikari maika aiñoegi aka atentavageigakarira karanki ikyara yogiviatake Joan Jeso kigonkero iatanaira enoku. Maika tsame agaigaera pashini pugaerineririra Jorashi kameti irironiri antentaigake ankamantakoigakerira Jeso yanianaira.”

²³Impogini ikaemaigake piteni. Paniro ipaita Jose ikantaganirira Varesava Goshito. Yogari irapitene ipaita Matiashi.

²⁴Impo iniaigakeri Tasorintsi ikantaigiri: “Notinkami, pineasurentaigiritari maganiro matsigenkaegi. Maika nokogaigake nogoigakera tyani pikogake impugaerira Jorashi

²⁵impegaempara iritigankane Jeso intentaigaenara. Yogari Jorashi kamaketari iatakera tyarika kara okatinkatakerira pikantakerira iriatakera.”