Uraata Kizin Ŋgoŋana 1:20-25

²⁰Pa mboe suŋŋana kana ta ki Dabit iso ta kembei: Muriini ta ni imbotmbot pa na, ko bilim. Tomtom sa ko imbotmbot pa som. Mi sua lwoono toro iso ta kembei. Iso: “Kozo tomtom toro ikam muriini mi ikeli pa uraata.” Sua tana iur ŋonoono kek. Pa Merere sua kini ta boozomen bela iur ŋonoono.

²¹Tana tomtom sa bela imar mi iŋgal yam ma munŋoyam mini. Naso amap ma ampombol sua pa maŋgaŋana ki Yesu. Tana tere tomtom kiti sa tau igabgaaba iti, mi itiŋan Yesu tawwa. Indeeŋe tau uraata ki Yoan pa yok kamŋana, mi imar imar ma aigule ta Anutu ikami ma izem ti, mi isala pa saamba mini.”

²³Petrus iso sua tana, to tiur wal ru: Yosep Barsabas ta zaana toro Yastus na, mi Matias.

²⁴Tipamender ziru zan makiŋ to, tisuŋ. Tiso: “O Merere, nu ute leleyam lup kek. Tana wal ru ti, so yam pa tomtom iŋgoi ta itum roogi

²⁵be ikam Yudas muriini, mi iwe ŋgoŋana ku mi ikam uraata pu. Pa Yudas ta ipizil ndemeene pa uraata ku, mi imeete ma ila lene pa muriini tau nu ur pini pataaŋa kek na.”