Apasoro 1:20-25

²⁰Sira Pita wane, “Buka Sam me gumbe tene, ‘At meuma dividivi den yaipe. Me apa bira da den wakepe. Sira apan da me arawa aupe.’

²¹Me oya Ayapan Iesu nu gunup vin wakeivi kumiwa apa,

²²me Jon Babataito amatog onne God Iesu gunup aug dog ainewa. Me kumive nu gaibu nau atu danunup apan da desirom nu gaibu Iesu sira inai yoinewa yangave yaunewa ape.”

²³Meve mu apan duwam wagomiyaya. Mu Josep, me Barusabas waya sira iviwa da Jastas, ge Matias.

²⁴Meve mu nun waya, “Ayapan, ge iyayapan undag nonowa yaug anoana.

²⁵Ge wagomiyanawa duwam mame dana ambuwa apasoro nauwawa mame aug amarapewa toyau nuna. Judas kweg at meuma aine.”