Dpodo 1:20-25

²⁰Pita ngê yepê, Dépidi ngê wéti puku yedê ala kópu a d꞉êê ngê, apê, U ngomo podo ngê paa pyaa we, pi y꞉i daapîchoo ya. Yepê, ala kópu myedê d꞉êê ngê, apê, Kn꞉aa pini ngmê ngê dpodo têdê u d꞉aa pêdê kââdî ngê,

²¹Pita ngê yepê, Pi ngmê ngê Njudas u d꞉aa modo kââdî ngê, pini n꞉ii u lama a tóó, Ndêndê ngê Yesu a pii wo. Yepê, Yi pini ngê pi knî ye choon꞉aa tpapê, Yesu ndêndê ngê a pii wo. Yepê, Alanté pini u ntââ, pini n꞉ii dye ghi yintómu nmî vy꞉o doo kwo, kn꞉ââ Njon ngê Yesu mbwaa paa mwo a kmênê ngê, u dî Yesu u Mî ka mî kee wo.

²³U kuwó dini ghi ngê pi miyó a pyw꞉ee ngópu, Mêtayas pini dê Njósép Sapasî tp꞉oo, u pi mo a tóó, Njastas.

²⁴Dini ghi n꞉ii ngê a pyw꞉ee dumo, Yesu ka dnye ngêpê, kwo, Mw꞉ââkó nmî Lémi, doo u ntââ ala pini dê daanmî chámê dê, ngmênê nyi u ntââ, mu kópu u dîy꞉o pi yintómu yi gha dmi ḻama dé. Kwo, Pini n꞉ii nyinê ngmidi ngê, kwo, nmî nuw꞉o ńedê yimi a téni.

²⁵Kwo, Yi pini ṉyépi ngê wa pyódu, nipi u k꞉ii anmî dpodo, Njudas u d꞉aa yinê wa a kââdî, mu kópu u dîy꞉o Njudas ngê ka a kuwo nmoo, chóó angênté kî pyodo.